دام حبك مثل غيمه

حين تختل موازين الحب ... ويكون العطاء غير صادق
تتجسد مشاعر تتغلبها كرامة وعزة نفس لصد الاحساس
بالخيانه بأبيات من الشعر
تنطلق كالسهام في صميم من لا يقدسون الحب بمعانيه الصادقه

اخترت لكم هذه القصيدة
اتمنى ان تنال على اعجابكم




يا مروض فيني الإحسـاس لا لا.. تستثيـره
عمري اللي قد مضى يا صاحبي كله إثـاره
كنت أحبك يوم كنتي في الهوى توك صغيره
يوم كنتي تتقنيـن الحـب أسلـوب ومهـاره
يوم جيتيني أنتشيت وفرحتـي كانـت كبيـره
كان حبي لك يجسد أسمـا آيـات الطهـاره
كنت أقول اتموت فيني وانا ما ابي حب غيره
أنا كنت أنسان ثاني فيك عاشـق بـأستمـاره
لين بانت لي علومٍ أدخلـت فكـري بحيـره
هي تبيني صدق ولا هي تبي فوز وخسـاره
لو أبي العب لعبت ولعبتـي دايـم خطيـره
ولوهي الدعوة تحدي كنـت فايـز وبجـداره
حظك أني مادريت بلعبتـك يومـك أسيـره
كان حملتك جبال الهم ،، كبر اجبـال قـاره
دام حبك مثل غيمه ،، كل يوم اتـزور ديـره
والمخيل له معك حد النظر ،، حـد أقتـداره
أرحلي عني،، ولا ابي غيمة ماهـي مطيـره
( نو صيف ) ولاجهلنا نوة الصيف وغبـاره
والله أني لو رميتـك ،، ماتقومـي يالغريـره
رميتٍ من زند رامي ماخطـااا يـومٍ عيـاره
لجل هذي تالية وقتك معي فـ،، البعد خيـره
خيرة الله خير ،، والدعوى تري ماهي شطاره