منتديات الامير

اسلاميات اغاني برامج فيديو
 
الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 المشاكل بهذلتني في غيابك

اذهب الى الأسفل 
كاتب الموضوعرسالة
الجنرال
عضـو بـرونـزي
عضـو بـرونـزي


ذكر
عدد الرسائل : 155
العمر : 28
مزاجي :
تاريخ التسجيل : 03/09/2008

مُساهمةموضوع: المشاكل بهذلتني في غيابك   الأحد سبتمبر 07, 2008 6:18 pm

لعن ابو بعض القصايد كان مافيهـا حـلا
ما تـروح الا و تتـرك للحنايـا جلجلـه

تبتدي مثل المزون اللـي تسولـف للكـلا
و لا خذت قامت ترزّم مثل شهـبٌ منزلـه

فوق صدر الشاعر اللي عن طواريقه جـلا
لين شاف اخت القصايد بالقصايـد مقبلـه

يا هلا ب اخت القصايد كثر شوقي يا هـلا
اقلطي بين الحنايا وافهقـي جمـر الولـه

كل ضلعٍ من ضلوعي حافـظٍ درس الـولا
مثل حفظك للعفاف و للشرف يـا مذهلـه

سولفي كذا السوالـف تنسمـع و الا فـلا
وان بغيتيني اسولـف .. اسألينـي اسئلـه

اسأليني وابتديهـا .. بالنهـار اللـي تـلا
ليلة ان الجرح يقرا في الضلوع البسملـه

واسأليني عن زماني كم شرب فـيّ وكـلا
انتهي من مشكله والقـى وراهـا مشكلـه

المشاكل بهذلتني فـي غيابـك ... والبـلا
ما لقيت اللي احط السـر عنـده وازهلـه

كل مااسمع (كيف حالك) ينقبض جفني على
دمعةٍ تبغى تقول الحـال دمـع و مهزلـه

وابلع العبره واقول : بخير والهـم انجـلا
و آخر الهرج آتلعثم فيـه وانقـض أولـه

ليه غبتي .. ليه غبتي وانتي اللي ما مـلا
عيني الا همس صوتك في زمـان البلبلـه

ياه شفتي وين راح البال بالشعـر وسـلا ؟
قمت اعااتب فيك وانتي ف الضلوع مـدلله

لنّي ماصدّقـت نرجـع للقصايـد والغـلا
بعد ذاك اليوم يوم اجنبت وانتـي مشملـه

ايه ماصدّقـت لكـن ياعسانـي مـا خـلا
قلطي بين الحنايـا وافهقـي جمـر الولـه


تحيـــــــــــــــــــــاتي
احبااب قلبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المشاكل بهذلتني في غيابك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الامير :: (¯°·._.· منتديات ألأمير الادبية ·._.·°¯) :: ۩ஜ۩ஐ[ همس القوافي ]ஐ۩ஜ۩-
انتقل الى: